أصبحت «رضوى الشربيني» مقدمة برنامج «هي وبس» على «cbc» سفرة، محط إعجاب الكثير من البنات، حيث استطاعت ان تلامس كل فتاة مما تعانيه من مشاكل عاطفية مع الشباب.
نقدم إليكم بعض من أهم نصائح الإعلامية رضوى الشربيني للبنات
1 : اللي ساب واحدة عشانك، هيسيبك عشان واحدة ثالثة ورابعة، اعمليله بلوك على الفيس بوك وعلى التليفون».
2: اليوم اللي هييجي عليك وتعرف هي قد إيه كانت كويسة، هو نفس اليوم اللي هييجي عليها ومش هتبقي فكراك أصلاً».
3: اتعلمي تقولي لأ للشتيمة، لأ للضرب، لأ للإهانة، دا حقك».
-«بطلي تفضلي غيرك عليكي، شوية أنانية وإنك تعرفي تقولي لأ، واهتمي بنفسك واسعدي نفسك».
-«قد يكون حلمك نجمة والله يريد لك القمر، ثق بالله».
-«اتجوزي اللي يشوفك صاحبته مش مراته، حبيبته مش المدام، اللي يجري عليكي مش يجري منك».
-«دع الماضي وافتح قلبك لما تبقى من الحياة».
-«من باعك بيعه، واشتري نفسك، ولو خسرتي راجل العالم كله مليان رجالة تانية ينفع تتجوزيهم».
-«متستعجلوش الحاجة قبل متيجي، علشان لما تيجي في وقتها هتبقى أحلى حاجة في الدنيا».
– «عززي نفسك، وحطي رجل على رجل وقولي أنا غالية، أنا حلوة، أنا أحلى حاجة في الدنيا، أنا مفيش مني اتنين».
-«اعرفي قيمة نفسك علشان اللي حواليكي يعرفوها».
-«وراء كل إمرأة عظيمة نفسها، وإن غابت نفسها فأمها، وإن غابت أمها فهي أختها، وإن غابت أختها فهي صديقتها، وإن غابوا جميعاً تعود نفسها، وراء كل إمرأة عظيمة قلبها، خليكي مصدقة دايماً أنك أحلى حاجة حصلت في الدنيا».
– «الست الحلوة مش بجسمها، مش بعنيها ولا بملامحها، ولا شعرها، الست الحلوة في قلبها وجواها، فانتي ست الستات، أقفي قدام المراية وقولي أنا ست حلوة».
-اتعودي بدل ميتقالك، «هشوف إمتى أجيلك أتقدم»، تقولي «هشوف هينفع اتجوزك إمتى»، اتعودي بدل مانتي اللي تطلبي الاهتمام هو اللي يشحته، عشان تفضلي غالية وعزيزة، اتعودي يبقي عندك أولويات تانية غيره.
-«الدنيا مبتقفش على حد، ولو وقفت مش هتقف على راجل، الدنيا بتقف على الأم والأب وبس».
– «متستنيش حد يعبرك، أو يمن عليكي ويتجوزك، متستنيش حد يحن عليكي برنة موبايل».
-«اللي عايزنا لازم يتقبلنا زي ماحنا بشعرنا المنكوش، بشكلنا، بطريقتنا، بضحكتك بفرحتك بحزنك، بدماغك وتفكيرك».
_ «متغيريش نفسك عشان خاطر حد يحبك، أو عشان حد يقبلك، متغيريش نفسك عشان خاطر حد يتجوزك، مش مهم، كوني إنتي، كوني نفسك، كوني هي، عشان هي أحلى حاجة في الدنيا».
-«اتجوزي الراجل اللي يخليكي سعيدة، اتجوزي الراجل اللي ميخلكيش تلفي حوالين نفسك، اللي حتى لو هو مش موجود تحسي أنه موجود حواليكي، وتحسي بأمان، وإن عندك ظهر وسند».
– «مش مهم اللى راح يرجع…المهم اللى جاى هو اللى يكون أحسن»
– «واستند على من يبسط لك قلبه قبل ذراعه».
-«اللى ما يستحملكش و ما يسندكش…ما يلزمكش».
-«أيها الرجل… الست زى القهوه لو سبتها تغلى،أبقى قابلنى لو شفت وشها».
-«امسكوا بس فالناس اللى ماسكه فيكوا…امسكوا فى اللى عارفين قيمتكوا و مقدرين وجدكوا».
-«حب عّمرك هتلاقيه بيجى على طول بعد غلطك عمرك…بمحطتين كده».
-«أوعى متلاقيش اللى تحبه…فتحب اللى تلاقيه».
-«الست مش محتاجه رجل وسيم او غنى او مشهور…الست محتاجه رجل يحتويها ويهتم بيها ويحن عليها وبس».
-«اللى انكسر مبيتصلحش…بيترمى».
-«الرجوله مواقف…مش نوال و عواطف».
-«العلاقات بتستمر بالافعال حلوه …قبل الكلام الحلو».
– «الجميع يحسّن البدايات…أما الثبات فهو لل”جل” بس».
-«لكل واحد داخل حياتنا جديد…اقلع الجزمه بره لو سمحت».
– «وهايجى يوم و هاتحمد ربنا على الحاجات اللى محصلتش…اكتر من الحاجات اللى حصلت».
-«خليك زى الشمسية ..محدش يستفيد منك غير الى حطك فوق دماغه».
– «انك تحس بالوحده و انت لوحدك أحسن الف مره…لما تحسها وًانت فحياتك حد!».
-« الاهتمام يصنع اى علاقه مهما كانت مستحيله…و الاهمال يقتل اى علاقه مهما كانت قويه».
-«البنت هى إللى بتعمل العيب و الغلط و الحرام…لكن الراجل بيعمل كحك بسكر».
– «واللى مش هيخاف على زعلك النهارده…مش هيخاف عليكى انت بكره».
Views: 0
